NJOFTIM

Fondacioni Kulturor “Harpa” shpall të hapur konkursin për çmimet vjetore HARPA – (Edicioni i gjashtë)

Ftohen të gjithë aktorët, brenda dhe jashtë Shqipërisë, të bëhen pjesë e këtij konkurrimi, duke na sjellë propozime për emra të spikatur.
Ju presim të na sugjeroni se cili është personazhi që ka lënë gjurmë gjatë vitit 2018, referuar performacës së tyre, arritjeve e sukseseve në vijë kronologjike vjetore.
Emrat e propozuar duhet të rrezatojnë vepra e veprimtari me ndikim publik, në të mirën e përbashkët shoqërore, të jenë promotorë të zhvillimit të jetës kulturore, nxitës të talenteve e progresivitetit në tërësi.
Përzgjedhja finale (nga emrat e propozuar prej jush) do të bëhet prej komisionit të ngritur pranë Fondacionit “Harpa”.
Ju kujtojmë se çmimet HARPA janë themeluar si hapësirë falënderuese, në shenjë mirënjohjeje për personalitetet e artit, kulturës, letërsisë, biznesit, institucioneve e politikanëve që i ndihmojnë dhe zgjerojnë këto fusha. Ky aktivitet ka si qëllim të promovojë vlera, të stimulojë personazhe të shquara dhe t’i kthejë ata në një shembull frymëzimi.

Kategoritë për të cilat mund të bëni propozime:

-Çmimi i Madh HARPA
-Poet
-Shkrimtar
-Aktor
-Regjisor
-Instrumentist
-Grup artistik
-Institucion kulturor
-Gazetar
-Sipërmarrës
-Politikan
-Çmim special

Na kontaktoni në adresën elektronike:
fondacioni_harpa@yahoo.com
majli_rama@yahoo.it
Afati i fundit i propozimeve është data 31 tetor!